Túrkistan oblysynda terrorıstik turǵydan osal nysandar anyqtaldy
Qazaqstan Respýblıkasynyń Úkimeti bekitken qaýlyǵa sáıkes terrorıstik turǵydan osal nysandarǵa: asa mańyzdy memlekettik obektiler, strategııalyq, qaýipti óndiristik obektiler jáne densaýlyq saqtaý, bilim berý uıymdary, sport mekemeleri, temirjol vokzaldary, qoǵamdyq tamaqtaný obektileri, qonaqúıler, demalys oryndary jáne ózgeleri jatady. Polıtseıler bul nysandardyń beınebaqylaý, kúzet, ınjenerlik-tehnıkalyq qamtamasyz etý júıelerine, baqylaý-ótkizý sharalaryna tekserý júrgizedi.
Oblystyq Polıtsııa departamentiniń málimetine sáıkes, jyl basynan beri 1157 nysan tekserildi. Nátıjesinde, 64-inde ınjenerlik-tehnıkalyq júıelerde kemshilikter tabyldy.
«Tártip buzýshylarǵa qatysty QR ÁQBtK-nyń 149-baby (»Terrorızm úshin osal obektiniń terrorızmge qarsy qorǵalýyn qamtamasyz etý jáne tıisti qaýipsizdik deńgeıin saqtaý jónindegi mindetterdi oryndamaý jáne (nemese) tıisinshe oryndamaý«) boıynsha ákimshilik hattamalar toltyryldy. Sot terrorıstik turǵyda osal 40 nysannyń ıeleri men basshylaryn ákimshilik jaýapkershilikke tartty. Ákimshilik aıyppuldardyń jalpy somasy 17 mln teńgeni qurady», - delingen aqparatta.
QR Ákimshilik quqyqbuzýshylyq týraly kodekstiń 149-baby nysan basshylyǵyna 100-500 aılyq eseptik kórsetkishke deıin aıyppul salýdy kózdeıdi.
