Túrkistan oblysynda tergelýshilerdi azaptaǵan 4 polıtseı bas bostandyǵynan aıyryldy

TÚRKІSTAN. QazAqparat – Túrkistan oblysynda tergeýge túsken azamattardy azaptaýǵa jol bergen 4 polıtsııa qyzmetkeri bas bostandyǵynan aıyryldy. Bul týraly oblys prokýrory Murat Tileýberdıev málimdedi, dep habarlaıdy QazAqparat tilshisi.

Túrkistan oblysynda kezekshi prokýrorlardyń jumysy jandandyrylyp, quqyq qorǵaý organdary ǵımaratyna kirip-shyǵý jaǵdaıyna baqylaý kúsheıtildi. Sondaı-aq, prokýratýranyń yqpalymen quqyq qorǵaý organdary ǵımarattaryndaǵy «soqyr aımaqtardy» joıý baǵytynda 3 myńnan asa beınekameralar ornatyldy.

«Keıingi 6 aıda prokýratýraǵa tergeýge túsken azamattardy azaptaýǵa qatysty 25 aryz tirkeldi. Bıyl sot úkimimen azaptaýǵa jol bergen Ordabasy aýdandyq polıtsııa basqarmasynyń 4 polıtsııa qyzmetkeri bas bostandyǵynan aıyryldy. Bul isti arnaıy prokýrorlar júrgizdi», - dedi oblys prokýrory.