Túrkistan oblysynda táýligine 150-ge jýyq bala dúnıege kelýde

TÚRKІSTAN. QazAqparat- Túrkistan oblysynda táýligine 150-ge jýyq bala dúnıege kelýde. Bul týraly Túrkistan oblysynyń densaýlyq saqtaý basqarmasy málimdedi, dep habarlaıdy QazAqparat tilshisi.

Túrkistan oblysy bala týý kórsetkishinen respýblıka boıynsha birinshi orynda tur. Dúnıe esigin ashqan sábılerdiń 60 paıyzy ul bolsa, 40 paıyzy qyz.

Jalpy oblys aımaǵynda úsh oblystyq perınataldyq ortalyq bar. Al, aýdan boıynsha 22 perzenthana bólimi jumys isteıdi.

Túrkistan oblys ortalyǵyna aınalǵaly beri demografııalyq ósim 2 esege ulǵaıǵan. 2 mıllıonnan asa turǵyny bar óńirde sońǵy 5 jylda 237 762 sábı dúnıege kelgen. Bul - jylyna 60 myńǵa jýyq bóbek týylady degen sóz. Al, bıyl, ıaǵnı jyl basynan bergi 6 aıda 26 myń 706 náreste jaryq dúnıe esigin ashypty.

Sonymen qatar, Túrkistan oblysy - elimizde úshem týý kórsetkishi boıynsha aldyńǵy qatarda. Sońǵy 5 aıda 59 otbasy egiz balaly bolsa, 2 otbasynda úshem týylǵan.