Túrkistan oblysynda taýda joǵalyp ketken týrısterdi izdeý jumystary jalǵasýda
TÚRKІSTAN. QazAqparat - Túrkistan oblysynyń qutqarýshylary taýda adasyp ketken 7 týrıstiń qalǵan ekeýin izdeý jumystaryn jalǵastyrýda, delingen Óńirlik kommýnıkatsııalar qyzmeti taratqan habarlamada.
Segizge bólingen jumysshy toptar «Saıram-Ógem» parkine qarasty taýda túnep, shatqaldardy aralap júrgenine 10 kúnnen asqan. Olar búginge deıin 800 shaqyrymǵa jýyq aýmaqty jaıaý tintigen. Sondaı-aq, «Kazavıaqutqarý» AQ tikushaqtary arqyly 5 670 sharshy metrdi sholyp shyqqan.
Іzdeý jumystaryna Túrkistan oblysy TJ departamenti, Polıtsııa departamenti, UQK Shekara qyzmeti, Orman sharýshylyǵynyń mamandary jáne Ózbekstan Respýblıkasynan 112 qyzmetker, 11 birlik tehnıka jumyldyrylǵan.
Esterińizge sala keteıik, 24 mamyr kúni «Saıram-Ógem» parkiniń taýlaryna serýendeýge shyqqan 7 azamat joǵalyp ketken. Іzdestirý jumystarynyń nátıjesinde qutqarýshylar onyń úsheýin qıyndyqtan din aman qutqarsa, ekeýiniń denesin tapqan. Qalǵany izdestirilýde.
