Túrkistan oblysynda taýda joǵalǵan qyz aman tabyldy
TÚRKІSTAN. QazAqparat - Túrkistan oblysy Tólebı aýdanynda taýǵa shyqqan boıjetken iz-túzsiz joǵalyp ketken. Qutqarýshylar 18 jastaǵy qyzdy tań ata taýyp alǵan, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, keleńsiz jaǵdaı 2 mamyr kúni Saıram sý shatqalynyń «Sary aıǵyr» taý shyńynda bolǵan. Tólebı aýdanynda 16 adamnan turatyn alpınıster toby taýǵa shyqqan. Aýa raıynyń qolaısyz bolyp, siber jaýyn jaýyp, tuman túsken. Saıahatshylar ýaqytsha ornalasqan jerge oralǵanda, aralarynda Aqtóbe qalasynan kelgen 18 jastaǵy qyzdyń joq ekeni anyqtalǵan.
«112» pýltine oryn alǵan derek týraly habarlama saǵat 04.45-te túsken. Shuǵyl áreket etý nátıjesinde tańǵy saǵat 07.40-ta Shymkent qalasy TJD jedel-qutqarý jasaǵynyń 4 qyzmetkeri 1 tehnıkamen izdeý sharalaryn júrgizip, joǵalǵan qyz shamamen 5 shaqyrym jerden tabylǵan. Onyń jaǵdaıy jaqsy, medıtsınalyq kómekke muqtaj bolmaǵan» delingen habarlamada.
