Túrkistan oblysynda sybaılas jemqorlyqqa qarsy onlaın jıyn ótti

TÚRKІSTAN. QazAqparat - Túrkistan oblysy boıynsha sybaılas jemqorlyqqa qarsy qyzmettiń «Túrkistan - adaldyq alańy» aımaqta sybaılas jemqorlyqtyń aldyn alý máselesi boıynsha onlaın jıyn ótti. Oǵan óńirdegi barlyq memlekettik jáne jeke joǵary oqý oryndary men kásiptik-tehnıkalyq bilim mekemeleriniń basshylary qatysty, dep habarlaıdy QazAqparat tilshisi.

Konferentsııa jumysynda «Sanaly urpaq - sybaılas jemqorlyqqa qarsy mádenıettiń bastaýy» men «Bilim salasynda sapany qamtamasyz etý, sybaılas jemqorlyqtyń aldyn alýdyń joly», «Sybaılas jemqorlyqqa qarsy mádenıet: parasat jáne komplaens» pen «Bilim salasyndaǵy sybaılas jemqorlyqtyń aldyn alý máseleleri» talqylandy.

Oblystyq adamı áleýetti damytý basqarmasynyń basshysy Raqymbek Jolaev TjKB jáne orta bilim berý júıesinde sybaılas jemqorlyqtyń aldyn alý men «Adal urpaq», «Sanaly urpaq» klýbtarynyń qyzmetine toqtalyp ótti.

Sybaılas jemqorlyqqa qarsy mádenıetti qalyptastyrý maqsatynda Túrkistan oblysynyń 62 kolledjinde «Sanaly urpaq» klýby qurylyp, atalǵan klýb músheligine 2848 bilim alýshy engenin baıandady.

Klýb jumysyndaǵy basym baǵyttardy iske asyrý úshin ata-analar arasynda saýalnamalar júrgizilip, osy baǵytta kolledj oqytýshylarnyń qyzmetin baǵalaý jumystaryn júrgizý boıynsha stýdentter arasynda anonımdi saýalnamalar júrgizilip jatqanyn jetkizdi.

«Adaldyqty mura etken Uly Abaı» taqyryptarynda vıdeorolıkter túsirilgenin atap ótti.

Jıynda sondaı-aq, jastar arasynda sybaılas jemqorlyqqa qarsy mádenıetti qalyptastyrý maqsatynda «Jemqorlyqsyz álem!» taqyrybyndaǵy sýret kórmeleri, «Parasat mektebi» músheleriniń «Sybaılas jemqorlyqqa jol joq!» atty sýret battle baıqaýy ótkeni sóz boldy.

Onlaın konferentsııa sońynda kásiptik-tehnıkalyq bilim uıymdarynyń basshylary men qala aýdandardaǵy adamı áleýetti damytý bólimderiniń basshylary, «Sanaly urpaq» jobalyq keńsesiniń jetekshileri men stýdenttik klýb belsendileri jáne «Túrkistan – adaldyq alańy» ókilderi keleli keńes, paıymdy oı pikirin bólisti.