Túrkistan oblysynda sybaılas jemqorlyq qylmysy 2 esege ósken
Sybaılas jemqorlyq qylmystarynyń basym bóligi jergilikti atqarýshy organdar men quqyq qorǵaý salalarynda jáne qarjy, aýyl sharýashylyǵy, densaýlyq saqtaý men bilim berý mekemelerinde oryn alǵan.
«Bilim berý salasynda eńbek zańnamasyn buza otyryp, jeke menshik balabaqshalardy «tranzıttik pýnkt» retinde paıdalaný arqyly jumysqa ornalasqany úshin para alýdyń qalyptasqan sybaılas jemqorlyq shemasy, sondaı-aq tsıfrlyq platformalardyń tıimsizdigimen jáne bilim berý mekemelerine aqsha jınaýmen baılanysty táýekelder anyqtaldy», - dedi QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń birinshi orynbasary Sámet Nurdáýlet.
Sondaı-aq, kóliktik baqylaý ınspektsııasynyń qyzmetinde jalpy somasy 11 mln. teńgege ákimshilik quqyq buzýshylyqty jasyrýǵa jáne aıyppuldardy tómendetýge, jalǵan tehnıkalyq baıqaý (tehosmotr) júrgizýge baılanysty sybaılas jemqorlyq táýekelderi anyqtalǵan. Sondaı-aq, sheteldik ruqsat blankilerin (IBR) alyp-satarlyqty monopolııaǵa aınaldyrý belgileri tirkelgen.