Túrkistan oblysynda suıytylǵan gazdyń lıtri 60 teńgeden satylyp jatyr

TÚRKІSTAN. QazAqparat - Túrkistan oblysynda suıytylǵan gazdyń shekti bólshek saýda baǵasy belgilengen, dep habarlaıdy QazAqparat.

Bul jaıly Túrkistan oblysynyń turǵyndarymen kezdesýde sóılegen sózinde Energetıka mınıstri Bolat Aqsholaqov aıtty.

Onyń sózine sensek, Túrkistan oblysynda 14-ke jýyq gaz jelisi uıymy men 202 avtomobılge gaz quıý stansasy bar.

Bıyl qańtarda Memleket basshysynyń tapsyrmasyna sáıkes Básekelestikti qorǵaý jáne damytý agenttigi suıytylǵan gazdyń shekti bólshek baǵasyn bekitti.

Oǵan sáıkes Túrkistan oblysynda suıytylǵan munaı gazynyń 1 lıtriniń shekti baǵasy - 60 teńge.

Oblysta suıytylǵan munaı gazyn tutyný 2021 jyly 154,3 myń tonnany qurady. Qańtar-naýryz aılarynda shamamen 34,7 myń tonna tutynyldy.

Vedomstvo basshysynyń sózine qaraǵanda, mınıstrlik uzaqmerzimdi baǵa turaqtylyǵyn jáne baǵanyń alypsatarlyq ósýine jol bermeýdi qamtamasyz ete otyryp, suıytylǵan munaı gaz naryǵyn reformalaý boıynsha sharalar qabyldap jatqanyn atap ótti.

Sol sharalardyń biri - belgilegen bólshek saýda baǵalaryn negizge ala otyryp, suıytylǵan munaı gazynyń shekti kóterme baǵasyn óndirýshi zaýyttardyń aıqyndaýy jónindegi ádisteme ázirleý.

Bul túsimdi zaýyttar men satýshylar arasynda ádil bólýge múmkindik beredi.