Túrkistan oblysynda sýǵa batyp ketken eki sheteldik stýdenttiń biriniń máıiti tabyldy
Oblystyq TJD baspasóz qyzmetiniń málimetinshe, Respýblıkalyq jedel-qutqarý jasaǵynyń qutqarýshylary úzdiksiz izdestirý jumystarynyń nátıjesinde Hanaryq aýylynyń tómen jaǵynda Aqsý ózeninen máıitti tapty. Tabylǵan múrde saraptama júrgizý úshin polıtsııa qyzmetkerlerine tapsyryldy.
«Taǵy bir sheteldiń stýdenttiń máıitin izdestirý jumystary áli jalǵasýda. Bul jumystarǵa Respýblıkalyq jedel-qutqarý jasaǵynan 5 qutqarýshy, 1 júzý quraly, Túrkistan oblysy TJD 7 qutqarýshy, 1 júzý quraly jumyldyrylǵan»,- delingen habarlamada.
Eske salaıyq, sheteldik eki stýdent bıyl 26-shy maýsym kúni Tólebı aýdanyndaǵy Aqsý ózenine batyp ketken bolatyn. 21 stýdentten quralǵan top Shymkent qalasynan kelgen bolyp shyqty. Barlyǵy Úndistan Respýblıkasynyń azamattary, Ońtústik Qazaqstan medıtsına akademııasynyń stýdentteri. Artynsha sýǵa batqan eki jigittiń ata-analary da Qazaqstanǵa kelip, izdeý sharalaryna qatysqan edi.
