Túrkistan oblysynda sýdy qajet etpeıtin qarbyz pisip jetildi
TÚRKІSTAN. QazAqparat - Túrkistan oblysy Keles aýdanynda sýdy qajet etpeıtin qara qarbyz pisip jetildi, dep habarlaıdy QazAqparat oblys ákiminiń baspasóz qyzmetine silteme jasap.
Bul tájirıbeni ǵalym Berdııar Qalymbetov Birlesý aýyldyq okrýginde júzege asyryp otyr. Qarbyzdyń uryǵy kórshi Ózbekstan Respýblıkasy Samarqand oblysy Janbaı aýdanynan ákelingen.
«Atalǵan eginniń qarbyzdyń ereksheligi uryq erte kóktemde ylǵalǵa egilip, sol sátten pisip jetilgenshe sý ishpeıdi. Qarbyzdyń sý qajet etpeıtininiń utymdylyǵy - aýdannyń sýarý múmkinshiligi bolmaǵan jerlerde egin sharýashylyǵyn tıimdi paıdalaný», delingen habarlamada.
Aldaǵy ýaqytta ǵalym atalǵan tájirıbeni basqa da aýdannyń dıqandaryna úıretip, egistik alqabyn keńeıtýdi kózdep otyr.
