Túrkistan oblysynda sý tasqynynyń aldyn alý sharalary pysyqtaldy
TÚRKІSTAN. QazAqparat – Túrkistan oblysynda sý tasqynynyń aldyn alý jáne onyń saldaryn azaıtý maqsatynda atqarylyp jatqan jumystar jáne ózge de mańyzdy máseleler talqylandy. Oblys ákimi Ómirzaq Shókeevtiń tóraǵalyq etýimen ótken jıynǵa aýdan-qala ákimderi men basqarma basshylary qatysty, dep habarlaıdy QazAqparat tilshisi.
Sala mamandarynyń kúndelikti monıtorıngileý qorytyndysyna saı, óńirge bul baǵytta keletin qaýip-qater joq. Degenmen, Shardara aýdanyna qarasty Sútkent eldimekenindegi sý bógetiniń jaǵdaıy alańdatarlyq. Syrdarııa ózeniniń jaǵasynda salynǵan damba 2017 jyly tasqyn sý shaıyp ketken. Qaýiptiń aldyn alý úshin tıisti sala basshylary men aýdan ákimine dambany qalpyna keltirý tapsyryldy. Máseleniń mán-jaıyn anyqtaý úshin komıssııa qurylatyn boldy.
Sondaı-aq, Ómirzaq Shókeev jaýapty sala jetekshilerine sýarmaly sý tapshylyǵynyń aldyn alýdy tapsyrdy. Jıynda budan bólek basqa da máseleler qaraldy.
Bıyl qazan aıynda el tarıhynda úshinshi márte jalpyulttyq halyq sanaǵy ótetini belgili. 1-30 qazan aralyǵyna josparlanǵan aýqymdy sharanyń biraz ereksheligi bolǵaly tur. Bıyl ótetin naýqandyq jumysqa zamanaýı aqparattyq tehnologııa keńinen paıdalanylmaq.
Eń aldymen, qazaqstandyqtarǵa ınternet arqyly derbes derekterin óz betinshe endirý jáne barlyq suraqtarǵa jaýap berip, belgi soǵý múmkindigi usynylady. Aralap, suraý júrgizý, derekterdi tirkeý úshin búkil óńirlerge arnaıy daıyndyqtan ótken 30 myń maman attanady dep kútilýde. Mamamandar mńyzdy naýqanǵa daıyndyq barysynda Túrkistan oblysynda da tıisti jumystar júrgizilip jatqanyn atap ótti.
Májiliste kómekke muqtaj jandarǵa demeý bolǵan «Qamqorlyq» keshendi baǵdarlamasy da sóz bolyp, oblys turǵyndarynyń bul baǵdarlamaǵa rızashylyq tanytyp jatqany aıtyldy. Baǵdarlamaǵa sáıkes, 7 myńǵa jýyq adam nemese 1 643 otbasyǵa qamqorlyq kórsetilmek.
Aldyn ala alynǵan saýalnama barysynda turmys taýqymetin tartyp júrgen jandar ózderine qarjylaı, azyq-túlik pen zattaı kómek kórsetýdi suraǵan. Osy ýaqyttyń ishinde «Qamqorlyq» aıasynda Nur Otan partııasy oblystyq fılıaly men jergilikti ákimdikterdiń jáne demeýshilerdiń jumylýymen 20-dan astam otbasy baspanaly bolyp, úıleri jóndelýde.
