Túrkistan oblysynda sý tasqynynan zardap shekkenderge 5 mobıldi HQO qyzmet kórsetip jatyr
TÚRKІSTAN. QazAqparat- «Azamattarǵa arnalǵan úkimet» memlekettik korporatsııasynyń Basqarma tóraǵasy Ásemgúl Baltashevanyń tapsyrmasymen Maqtaaral aýdanyndaǵy tasqyn sýdyń zardabynan evakýtsııalanǵan turǵyndarǵa qujattaryn qalpyna keltirip, kómek kórsetý úshin jasaqtalǵan 5 mobıldi top apat aımaǵyna jiberildi.
Bul týraly Túrkistan oblysynyń Óńirlik kommýnıkatsııalar qyzmetinen habarlandy.
Memlekettik korporatsııanyń barlyq qajetti quraldarmen jabdyqtalǵan mobıldi Halyqqa qyzmet kórsetý ortalyqtary (HQO) aýdan boıynsha ornalasqan 19 evakýatsııalaý pýnkterin kezekpen aralaıdy. Mamandar zardap shekken jergilikti turǵyndarǵa memlekettik qyzmetter boıynsha quqyqtyq keńes berip, qujattaryn qalpyna keltirý úshin ótinish qabyldaıdy.
Bul rette turǵyndardy qujattandyrý boıynsha mıgratsııalyq qyzmet basqarmasymen jáne basqa da atqarýshy organdarmen jedel túrde yqpaldasý uıymdastyrylǵan. Mobıldi top birinshi jumys kúni 150-den asa adamǵa memlekettik qyzmetter boıynsha keńes berdi. Evakýatsııalaý pýnkterinde mamandar maqtaaraldyqtardyń joǵalǵan qujattaryn qaıta rásimdeýge ótinishter qabyldap jatyr.
Esterińizge sala keteıik, osydan bir jyl buryn Arys qalasyndaǵy áskerı qoımada bolǵan jarylysqa baılanysty tótenshe jaǵdaı kezinde de memlekettik korporatsııa qyzmetkerleri jumysyn toqtatpaı, jergilikti ákimdikpen birlese shtabtarda, dalalyq jaǵdaıda apattan zardap shekken azamattardyń qujattaryn retke keltirý úshin úzdiksiz qyzmet etti. Tótenshe jaǵdaı kezinde arystyqtarǵa HQO mamandary 17 myń qyzmet kórsetti.
