Túrkistan oblysynda sý tasqyny kezeńine daıyndyq bastaldy

ASTANA. QazAqparat - 2022 jylǵy 12 jeltoqsanda Túrkistan oblysynyń Saýran jáne Sozaq aýdandaryndaǵy yqtımal sý tasqyny men sel jaǵdaılarynyń táýekelderin baǵalaý maqsatynda qutqarýshylar men ákimdik ókilderi Qazavıaqutqarý tikushaǵynda 21 sý qoımasy men taýly aýmaqty aınalyp ótti.

Bul týraly QazAqparat QR Tótenshe jaǵdaılar mınıstrliginiń baspasóz qyzmetine silteme jasap habarlaıdy.

Ekologııa, geologııa jáne tabıǵı resýrstar mınıstrligi Sý resýrstary komıtetiniń Syrdarııa basseındik ınspektsııasynyń derekterine sáıkes, Saýran aýdanynyń 8 sý qoımasynyń jáne Sozaq aýdanynyń aýmaǵyndaǵy 13 sý qoımasynyń jaı-kúıi jaramdy dep baǵalanady jáne olarda kólemniń shamamen 20-25 paıyzy jınaqtalǵan. Qarataý bókterinde qardyń jınaqtalǵan qory 4-6 sm.

Jyl basynan beri barlyǵy 13 aerovızýaldy ushý júrgizildi. Túrkistan oblysynyń Tótenshe jaǵdaılar departamenti sý tasqyny qaýpi bar kezeńde sý qoımalarynyń gıdrotehnıkalyq qurylystarynyń jaı-kúıin jáne olardyń jumys rejımin turaqty baqylaýda ustaıdy.

Foto: gov.kz