Túrkistan oblysynda sý tasqyny qaýpi tóngen 3 aýyldyń halqy evakýatsııalanyp jatyr
MAQTAARAL. QazAqparat - Túrkistan oblysynyń Maqtaaral aýdanynda taǵy 3 aýylǵa sý basý qaýpi tónip tur, dep habarlaıdy QazAqparat óńirlik kommýnıkatsııalar qyzmetine silteme jasap.
Eske sala keteıik, aýdanda kollektordan sý tógilýine baılanysty Jańa turmys jáne Jeńis aýyldaryn sý alyp ketti.
Qazirgi ýaqytta Myrzakent, Ferdoýsı, Atakent kentine qarasty Jantaqsaı eldimekenderi turǵyndaryn evakýatsııalaý máselesi qarastyrylyp jatyr.
Myrzakent pen Atakent eldimekenderiniń ara qashyqtyǵy - 35 shaqyrym. Myrzakent eldimekeninde 2848 úı, 14 532 adam bar. Al Ferdoýsı eldimekeninde - 314 úı, 2377 adam, Jantaqsaı eldi mekeninde - 95 úı, 700 adam turady.
Apattyq-qutqarý jumystaryna tótenshe jaǵdaılar departamentiniń jeke quramynan 138 adam, 8 tehnıka tartyldy.
Ulttyq gvardııanyń 6506 bólimshesinen - 300 adam, 300 oryndyq 6 avtobýs, 120 oryndyq 4 KamAZ, aýdandyq polıtsııa bóliminen 7 tehnıka jáne 70 qyzmetker kómekke kelgen.
Al jergilikti atqarýshy organnan 40 qyzmetker, 5 tehnıka tartyldy.
