Túrkistan oblysynda sońǵy bir táýlikte koronavırýs ınfektsııasynyń ósimi tómendegen
TÚRKІSTAN. QazAqparat – Túrkistan oblysynyń aýmaǵynda sońǵy bir táýlikte koronavırýs ınfektsııasynyń ósimi tómendep, 0,8 paıyzdy quraǵan. Óńirde Covid-19 ınfektsııasyn juqtyrǵan 2 497 jaǵdaı tirkeldi, dep habarlaıdy QazAqparat tilshisi.
Sala mamandarynyń málimetinshe, qaýipti indet juqtyrǵandardyń 1 570 naýqasta aýrý sımptomsyz ótýde. Al, ınfektsııalyq gospıtalderden 1 908 adam jazylyp shyqqan. 76 myńnan astam adamnan koronavırýs ınfektsııasyna synama alynǵan.
Aımaqtaǵy medıtsınalyq uıymdardyń ınfektsııalyq jáne provızorlyq bólimderinde 2 381 tósek-oryn bar. Oǵan qosymsha 619 rezerv oryn daıyndalǵan.
Búginde juqpaly aýrýlar bólimderinde 440 orynnyń 60 paıyzǵa jýyǵy bos tur. Jalpy óńirde qaýipti dertpen kúreske 371 dáriger, 796 orta jáne 545 kishi býyn medıtsına qyzmetkeri jumyldyrylǵan.
