Túrkistan oblysynda «Smart-mektep» jobasy qolǵa alyndy
Joba aıasynda Túrkistandaǵy №10 Ál-Farabı atyndaǵy jáne №13 Á.Naýaı atyndaǵy jalpy orta mektepteri, №31 Bastaýysh mektep jáne №27 IT-lıtseı mektebine jańa qurylǵylar qoıyldy. Atap aıtqanda, oqýshylardyń kirýin baqylaý úshin týrnıketter men elektrondy qulyptar, beınebaqylaýlar ornatylǵan. Budan ózge, aldaǵy ýaqytta mektepterge engiziletin shkaf-lokerler - mekteptiń qaýipsizdik deńgeıin arttyrýǵa múmkindik beredi. Sondaı-aq, oqýshylarǵa karta ne bilezikter tarqatý josparlanýda. Olar – oqýshylardyń kelip-ketýin elektrondy esebin júrgizýge múmkindik bermek. Ata-analar saıtta otyryp-aq balalarynyń mektepke kirip-shyqqan ýaqytyn kóre alady. Osy servısterdi qosylǵan jaǵdaıda SMS-habarlama da jiberiledi. Atalǵan mektepterge qazirgi tańda oqýshylardyń tsıfrlyq saýattylyqtaryn arttyrý maqsatynda tehnıkalyq pánderdi oqytýǵa arnalǵan «Stem Panel» júıesi ornatylyp, mektep muǵalimderine jáne Túrkistan qalalyq barlyq mektep dırektorlaryna panelderdiń fýktsıonaldyq artyqshylyqtarymen tanystyrý úshin arnaıy semınarlar ótkizilgen. Basqarmanynyń bastamasymen Túrkistan qalasyndaǵy №13 Á.Naýaı atyndaǵy jalpy orta mektepke «InCraft» JShS-ń demeýshiligimen IT-synyp ashyldy. Onda oqýshylar eń úzdik ádistemeler boıynsha baǵdarlamaýdy tereńdetip úırenýge múmkindik aldy. Joba - tehnıkalyq jáne ınjenerlik mamandyqtarǵa oqýshylardyń qyzyǵýshylyǵyn arttyrmaq. Aıta keterligi, pılottyq jobada, metepterdiń qaýipsizdik sharalaryn arttyrý maqsatynda Túrkistan qalasyndaǵy 8 mektep, Arys qalasyndaǵy 5 mektep beıne-kameralarmen jabdyqtalǵan. Qazirgi tańda jergilikti polıtsııa pýnkterine ıntegratsııalaý jumystary júrgizilýde. Aldaǵy ýaqytta oblystaǵy barlyq mektepterdi memlekettik-jekemenshik áriptestik aıasynda beıne-kameralamen qamtý josparlanýda.
