Túrkistan oblysynda Shyǵys sheńberi atty jańa týrıstik marshrýt ázirlenip jatyr
Jaqynda Túrkistanǵa kelgen saıahatshylar qala mańynda ǵana emes, oblys boıynsha tarıhı oryndardy aralap tamashalaıtyn bolady. Sonymen qatar, atalǵan jobanyń arqasynda týrıstik marshrýt boıyndaǵy eldi meken turǵyndaryna tabys tabýǵa múmkindik týady.
Ázirge marshrýttyń úsh núktesi belgili. Oǵan Sozaq aýdanyndaǵy Qarataýdyń Kelinshek taý jotasynda ornalasqan arpa ózen tańbaly tastary engen. Onda 3500-den astam tasqa basylǵan tarıhı sýretter bar. Búginde bul petroglıfterdi ıÝNESKO tizimine endirý jumystary júrip jatyr. Odan keıin marshrýt tizimine Baba ata aýylyndaǵy Ysqaq bab kesenesi men Qumkent aýylyndaǵy Baba túkti shashty ázız mazary engen.
Qos nysannyń da tarıhı tereń. Máselen, Baba ata aýylynda І-ІІІ ǵasyrǵa tıeseli ǵıbadathananyń orny tabylǵan. Munda aldaǵy ýaqytta qazba jumystary júrgiziletin bolady.
