Túrkistan oblysynda shopan ózi baǵyp júrgen sharýashylyqtyń qoıyn urlaǵan
TÚRKІSTAN. QazAqparat - Qazyǵurt aýdanynda polıtseıler kóliginde urlaǵan qoılary bar kólikti ustady, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Polıtsııa qyzmetkerleri aýdandaǵy joldardyń birinde júrisi kúmán týdyrǵan «VAZ» avtokóligin toqtatqan. Tekserý barysynda kóliktiń júk salǵyshynan júrgizýshide qujaty joq 3 qoıdy tabylǵan. Keıin anyqtalǵandaı, kúdikti ózi malyn baǵatyn jergilikti sharýashylyqtyń qoıyn urlaǵan. Ustalǵan turǵyn barlyq mán-jaıdy anyqtaý úshin polıtsııa bólimine jetkizildi.
Atalmysh oqıǵa boıynsha QR QK-niń 189-baby «Senip tapsyrylǵan bóten múlikti ıemdenip alý nemese talan-tarajǵa salý» boıynsha biryńǵaı tergeý tizilimine tirkeldi. Maldyń ıesine 100 myń teńge shamasynda shyǵyn keltirilgen. Qazir sotqa deıingi tergeý jumystary barysynda ustalýshynyń basqa qylmysqa qatystylyǵy anyqtalýda.
Tártip saqshylary maldy jaıylymda qaraýsyz qaldyrmaýdy jáne olarǵa en-tańba salýdy suraıdy. Sondaı-aq, mal joǵalǵanda óz betinshe izdep ýaqyt joǵaltpaı, tez arada polıtsııaǵa habarlaý kerektigin eskertedi.
