Túrkistan oblysynda shirkeımen kúresýge 643 mln teńge bólindi
Túrkistan oblysyndaǵy tórt aýdan men eki qalada shirkeımen kúreske bıýdjetten 643 mln teńge bólindi. Onyń 40 mln teńgesi zertteý jumystaryna jumsalmaq. Al, qalǵan bóligi aýmaqty zalalsyzdandyrýǵa qajetti dári-dármek alýǵa, jumysshylardyń eńbek aqysyna berýge baǵyttalǵan.
«Syrdarııa ózeni boıynda jáne Shardara, Otyrar aýdany men Arys qalasynda 7 núkte anyqtalyp otyr. Onda biz eki retten bıologııalyq jumystar júrgizdik. Ár shirkeı 100-den 200-ge deıin uıashyq tastaıdy. Birinshi rettik jumystardyń barysynda 80-85 paıyz uıany joıdyq. Al, 10-15 paıyz shirkeı aýaǵa ushyp shyǵyp ketti. Byltyrǵy jylǵa qaraǵanda sany 4-5 ese kóp. Eger biz jumys jasamaǵanda shirkeıler oshaǵy Túrkistan oblysyn basyp qalar edi. Bul jumystarǵa 70-ten astam tehnıka, 90-nan astam jumysshy jumyldyrylyp otyr», - dedi «Satti tulik» JShS dırektorynyń orynbasary Qaırat Ermen.
Túrkistan oblysy energetıka jáne turǵyn úı-kommýnaldyq sharýashylyǵy basqarmasynyń bas mamany Alısher Ahmadnııazov Syrdarııa ózeniniń aýmaǵynda ornalasqan eldi mekenderde jáne Túrkistan, Arys, Kentaý qalalary men Saýran, Otyrarar, Shardara aýdandarynyń aýmaǵynda dızensektsııalyq jumystar bıologııalyq jáne hımııalyq ádistermen júrgiziletinin jetkizdi. Jumysty sapaly oryndaý maqsatynda aýdan qala ákimdikterimen arnaıy jumysshy top ta qurylmaq.
Aıta keteıik, budan buryn Túrkistan oblysynyń keıbir aýdandarynda shirkeıdiń qaptap ketkenin jazǵan bolatynbyz.
