Túrkistan oblysynda «Shıpa» jobasy aıasynda 300 otbasyna dári-dármek jiberildi
TÚRKІSTAN. QazAqparat – «Shıpa» jobasy boıynsha Túrkistan oblysynyń aýdan-qalalaryndaǵy 300 muqtaj otbasyna dári-dármek qobdıshasy jiberildi. «Nur Otan» partııasy fraktsııasynyń depýtattary men kásipkerlerdiń bul kómegin «Jas Turkistan» volonterler klýby men aýdandardaǵy «jasotandyqtar» jáne jastar resýrstyq ortalyǵy jetkizýde, dep habarlaıdy QazAqparat tilshisi.
«Nur Otan» partııasynyń oblystyq fılıaly pandemııaǵa qarsy kúresti kúsheıtý maqsatynda «Ómir» jáne «Shıpa» jobalaryn qolǵa alǵan bolatyn. Osy arqyly óńir aýrýhanalaryna ókpeni jasandy jeldetý apparattaryn jáne muqtaj otbasylarǵa dári-dármek jetkizý kózdelgen.
Búgin aýdandarǵa dári-dármek jóneltildi. «Jas Otan» jastar qanaty Túrkistan oblystyq fılıalynyń tóraǵasy Janserik Jumannyń aıtýynsha, el azamattary men kásipkerler jobaǵa qyzý qoldaý kórsetip jatyr.
«Búgin «Shıpa» jobasy boıynsha aýdan-qalalardaǵy muqtaj otbasylarǵa dári-dármek joldap otyrmyz. Erikti jastar bul bastamaǵa qoldaý kórsetti. Biz osyndaı qadamdar arqyly turǵyndarǵa kómek qolyn sozýdy maqsat tuttyq. Partııa fılıalyna, «nurotandyq» depýtattarǵa, demeýshi aǵalarǵa, volonter jastarǵa alǵysymyz sheksiz»,-deıdi ol.
