Túrkistan oblysynda shetelge shyǵa almaǵan boryshkerler qatary 200 myńǵa jetti
TÚRKІSTAN. QazAqparat - Túrkistan oblysynda qaryzy úshin shetelge shyǵa almaǵandar qatary 200 myńǵa jetken. Bul týraly óńirdiń Kirister departamentine qarasty boryshkermen jumys basqarmasynyń basshylyǵy málimdedi, dep habarlaıdy QazAqparat.
Atalǵan basqarma basshysynyń mindetin atqarýshy Ábit Bekjigittiń aıtýynsha, túrli qaryzy bar azamattardyń qatary jyldan jylǵa artyp otyr. Jyl basynan beri boryshkerlerdiń bıýdjetke bereshegi 12 mıllıard teńgege jetken. Salyq kodeksine sáıkes, boryshkerlerdiń bereshegin joıý maqsatynda olardyń múlikterin satý arqyly qaryzdardy qaıtarý qarastyrylǵan.
«Bul rette aǵymdaǵy jyldyń 6 aı kóleminde 853 boryshkerge qatysty jalpy 1,9 mlrd teńgege múlikti satý aktisi túzilgen. Bereshek somasy tolyq ótelýine baılanysty 695 boryshkerdiń 1,2 mlrd teńge turatyn múlki satýdan alyndy», - deıdi Ábit Bekjigit.
