Túrkistan oblysynda sheteldik aýyr júk kóligi júgimen birge janyp ketti
TÚRKІSTAN. QazAqparat - Reseıden Tájikstanǵa shyqqan aýyr júk kóligi Túrkistan oblysynda júgimen birge órtenip ketti, dep habarlaıdy QazAqparat tilshisi.
Oqıǵa túngi saǵat 21:00 shamasynda bolǵan. Báıdibek aýdandyq polıtsııa bólimine Samara-Shymkent tasjolynyń 73-shaqyrymynda, ıaǵnı Jıenqum aýylynyń mańynda júk kóliginiń janyp jatqany týraly habarlama túsken. Oqıǵa ornyna barǵan tergeý toby alǵashqy kómek kórsetip, mán-jaıdy anyqtapty.
«Atalǵan jaıt Báıdibek aýdandyq polıtsııa bóliminde tirkeldi. Qazirgi tańda polıtseıler oqıǵanyń tolyq mán-jaıyn anyqtaý ústinde. Ázirge, tájikstandyq azamattyń basqarýyndaǵy «Volvo» markaly aýyr júk kóliginiń tirkeme ballony tutanǵany belgili boldy. Órt der kezinde óshirilmegendikten turmystyq tehnıkasymen birge tolyqtaı janyp ketken»,- delingen Túrkistan oblysy polıtsııa departamentiniń baspasóz qyzmeti taratqan habarlamada.
Materıaldyq zalal kelgenimen, adam shyǵyny joq. Júrgizýshi ózimen birge kóliktiń qujattaryn alyp úlgergen.
Osyǵan deıin Túrkistan oblysynda jańadan salynǵan 484 joldan 618 kemshilik anyqtalǵanyn jazdyq.
