Túrkistan oblysynda shegirtkege qarsy kúres kúsheıtildi
Bıyl asa qaýipti úıirli shegirtkelerge qarsy hımııalyq óńdeý jumystary men fıtosanıtarııalyq is-sharalar 10 aýdannyń 53 aýyldyq okrýginde atqarylady.
«Marokko shegirtkesine» qarsy oblys boıynsha barlyǵy 67,3 myń gektar alqapta hımııalyq óńdeý jumystary júzege aspaq. Onyń ishinde, 59,1 myń gektarda búrikkish tehnıkalarymen, al 8,24 myń gektarda áýe joldary arqyly júrgiziledi.
Bıyl oblys aýmaǵynda qolaıly fıtosanıtarııalyq ahýaldy qamtamasyz etý maqsatynda oblys ákiminiń ókimimen shtab qurylǵan bolatyn. Osyǵan sáıkes, barlyq aýdandar men qalalarda tıisti shtabtar daıyndyq jumystaryna kiristi.
Saryaǵash aýdany boıynsha 15 380 gektarǵa 7 dana, Arys qalasynda 12 420 gektarǵa 6 dana jáne Báıdibek, Keles, Qazyǵurt, Ordabasy, Saýran, Tóle bı, Shardara aýdandary boıynsha 31 250 gektarǵa 14 dana jerústi jeldetpeli búrikkish tehnıkasy jumyldyrylady.
Al, «Azııalyq shegirtkige» qarsy Sozaq aýdanynda 11 500 gektar aýmaqta hımııalyq kúres sharalary josparlanǵan.
Hımııalyq óńdeý jumystaryn 25 kúnde aıaqtaý kózdelip otyr.
Fıtosanıtarııalyq is-sharalardyń tıimdi júrgizilýin baqylaý jáne úılestirý maqsatynda oblystyq aýmaqtyq ınspektsııa tarapynan 40 memlekettik ınspektor men 19 qyzmettik avtokólik tartylady.
Aıta keteıik, budan buryn «Marokko shegirtkesi» Túrkistan oblysyndaǵy 10 aýdanǵa qaýip tóndirýi múmkin ekendigin jazǵan bolatynbyz.
