Túrkistan oblysynda shańdy daýyl turyp, jolda qalǵan jolaýshylar qutqaryldy
TÚRKІSTAN. QazAqparat - Túrkistan oblysynda shańdy daýyl turyp, jol kórinbeı qaldy. Saldarynan avtokólikterdiń qozǵalysy baıaýlap, keptelis bolǵan, dep habarlaıdy QazAqparat tilshisi.
Oblystyq Thtenshe jaǵdaılar departamentiniń baspasóz qyzmetiniń málimetinshe, óńirdegi birneshe aýdanda kún raıy kúrt nasharlap ketken.
«Bergen men Qarajantaq tas jol bóligindegi shańdy daýyl saldarynan jolda qalǵan jolaýshylar qutqaryldy. Tótenshe jaǵdaılar qyzmetiniń kóligi jeke qurammen shyǵyp, jolda qalyp ketken 38 eresek adam men 4 balany jol jónekeı turǵylyqty meken-jaılaryna jetkizdi.
Tabıǵattyń tosyn minezinen Qarajantaq, Sanaly, Bógen, Tórtkúl aýyldarynda bolǵan qolaısyzdyqtardy qalpyna keltirý jumystary júrgizilýde»,- delingen habarlamada.
Óńirdiń tótenshe jaǵdaılar qyzmetkerleri aýdan turǵyndaryn qaýipsizdik sharalaryn qatań saqtaýǵa shaqyrdy. Qazirgi tańda tótenshe jaǵdaı mamandary, órt sóndirý, aýdandyq kommýnaldyq mekeme qyzmetkerleri kúsheıtilgen rejımde jumys isteýde.
