Túrkistan oblysynda shalǵaıdaǵy eldi meken turǵyndaryna quqyqtyq keńes berildi

TÚRKІSTAN. QazAqparat – Túrkistan oblysynyń Kentaý qalasyna qarasty Shornaq aýyldyq okrýginde «Halyq zańgeri» naýqany ótkizildi. Atalǵan shara QR Sybaılas jemqorlyqqa qarsy is-qımyl agenttigi Túrkistan oblysy boıynsha Departamentiniń bastamasymen uıymdastyryldy, dep habarlaıdy QazAqparat tilshisi.

Quqyqtyq keńes barysynda turǵyndar bilim, densaýlyq, eńbek, áleýmettik kómek, jumyspen qamtý, aýyl sharýashylyǵy men jer salalary boıynsha saýaldaryna jaýaptar aldy. Bilikti mamandar zań aıasynda ashyq túrde keńesin berip, jergilikti halyqqa jan-jaqty túsindirip ótti.

Jalpy 150-ge jýyq turǵyndy qamtyǵan ıgi naýqannyń negizgi ereksheligi – aýdan-qalalardan qashyq ornalasqan eldi mekenderdiń turǵyndaryna quqyq turǵysynan qajetti aqparattarmen oı bólisý, ári olardy alańdatqan zań salasyndaǵy máseleler boıynsha naqty keńes berý boldy.

Azamattarǵa tegin quqyqtyq qoldaý tanytqan tájirıbeli mamandardyń keńesine halyqtyń basym kópshiligi ataýly áleýmettik kómekti alý men jer telimderine qajetti qujattardy rásimdeý, turǵyn-úı máseleleri boıynsha júginip, tolyqqandy jaýap aldy.

Aıta ketsek, elimizde qolǵa alynǵan «Halyqtyq zańger» naýqany qarapaıym qazaqstandyqtar úshin tıimdi jáne dástúrli jobaǵa aınalyp otyr.