Túrkistan oblysynda sessııaǵa sebepsiz qatyspaǵan depýtattar mandatynan aırylady

TÚRKІSTAN. QazAqparat- Túrkistan oblystyq máslıhaty depýtattarynyń jańa ádep nomalarynyń reglamenti daıyndalýda. Bul týraly Túrkistan oblystyq máslıhatynyń tóraǵasy Nuraly Ábishov málimdedi, dep habarlaıdy QazAqparat tilshisi.

Aldaǵy ýaqytta Túrkistan oblystyq máslıhat depýtattarynyń jańa ádep normalarynyń reglamenti bekitiledi. Onda sebepsiz eki ret sessııaǵa qatyspaǵan halyq qalaýlaryna arnaıy shara qoldanylady. Al, úsh ret sebepsiz sessııaǵa kelmese mandatynan aıyrý týraly saılaý komıssııasyna usynys engiziledi.

Sonymen qatar, sessııa barysynda ádepsizdik tanytyp, bireýdiń ar namysyna tıetin sózder aıtyp, quqyn taptaý isi de qatań qaralmaq.

Brıfıng barysynda Nuraly Ábishov el ishindegi «depýtattar joǵary jalaqy alady»-degen pikirge de arnaıy toqtalyp ótti.

«Jalpy oblystyq, aýdan, qalalyq máslıhat depýtattaryna memleket tarapynan eshqandaı múmkindikter men jeńildikter qarastyrylmaǵan. Jalaqy da tólenbeıdi. Kásipker depýtattarǵa salyqtan da jeńildikter kórsetilmeıdi. Tek qoǵamdyq jumys»-dedi ol.

Aıta keteıik, Túrkistan oblystyq máslıhatynda 46 depýtat bar.

Jyl basynan beri oblystyq máslıhattyń 4 sessııasy ótkizilip, túrli salalarǵa qatysty mańyzdy máselelerdi retteıtin 53 sheshim qabyldandy.