Túrkistan oblysynda senatorlar Elbasy Joldaýyn túsindirdi

ShYMKENT. QazAqparat -  Túrkistan oblysyna arnaıy is-saparmen QR Parlamenti Senatynyń depýtattary Asqar Beısenbaev pen Álı Bektaev kelip, Túlkibas pen Saıram aýdandarynyń turǵyndarymen kezdesti, dep habarlaıdy QazAqparat tilshisi.

Elbasy Joldaýyn túsindirý jáne nasıhattaý maqsatynda kelgen senatorlar aldymen  Túlkibas aýdany aktıvimen jáne turǵyndarmen kezdesti. Jıyn barysynda senatorlar Elbasy N.Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynyń basym baǵyttaryna jeke-jeke toqtalyp, mańyzdylyǵyn túsindirdi. Óz kezeginde aýdan ákimi Nurbol Turashbekov senatorlardy halyqtyń  tynys-tirshiligimen tanystyryp, el jaǵdaıyn jaqsartý baǵytynda jumystar jalǵasatynyn aıtty. Al, Saıram aýdanynda ótken jıynda QR Parlamenti Senatynyń depýtaty Álı Bektaev  bıylǵy Joldaýdyń  halyqtyń ál-aýqatyn arttyrýǵa baǵyttalǵanyn málimdep, «Bıznestiń jol kartasy -2020» baǵdarlamasynyń ne sebepten taǵy da 5 jylǵa uzartylǵanyn túsindirip ótti. Onyń aıtýynsha, atalǵan baǵdarlama óziniń ómirsheńdigin dáleldegen. ıAǵnı, baǵdarlamanyń arqasynda elimizde talaı kásipker nesıe alǵan. Nátıjesinde  kóptegen kásipkerlik sýbektileri iske qosylyp, myńdaǵan jumys oryndary ashylǵan.

Aıta keteıik, aldaǵy ýaqytta QR Parlamenti Senatynyń depýtattary bastaǵan top Joldaýdy nasıhattaý maqsatynda  Tólebı, Ordabasy, Qazǵurt pen Otyrar aýdandarynyń turǵyndarymen kezdesedi dep kútilýde.