Túrkistan oblysynda sazan ósirý qarqyn aldy
TÚRKІSTAN. QazAqparat - Túrkistan oblysynda sazan balyǵyn ósiriý isi qarqyn alyp keledi. Óńirdiń Ordabasy aýdanynda sharýalar 6 gektar jerge sý aıdynyn jasap, 2 myń dana balyqty sýǵa jibergen, dep habarlaıdy QazAqparat tilshisi.
Bórjar aýyldyq okrýgi, Jambyl aýylynda jeke kásipker Amantaı Máýlen osylaısha óz qarjysy arqyly kásibin bastap otyrǵan azamat. Ol bolashaqta bul mekendi úlken demalys aımaǵyna aınaldyrmaqshy. Atalǵan aýdanda munan bólek mal bordaqylaıtyn 150 alań jumysyn bastap, januıalyq 22 sút fermasy iske qosyldy. Sondaı-aq, jeke kásipkerlerdiń biri 25 myń basqa arnalǵan qus fermasyn salyp, jumysyn júrgizip keledi.
Osyndaı ilkimdi isterdiń arqasynda Ordabasy aýdanynda 2018 jyldyń 5 aıynda aýyl sharýashylyǵy jalpy óniminiń kólemi 9 mlrd 154 mln. 500 myń teńgeni qurap, ótken jylmen salystyrǵanda 1 mlrd 109 mln. 200 myń teńgege artty. Aýyl sharýashylyǵy daqyldarynyń 55 300 ga egistik jerlerdi ıgerý jospary 102 paıyzǵa oryndalyp, 56 553 gektardy qurady. Sol sııaqty sýarmaly jer jyl basynan beri 725 gektarǵa ulǵaıtyldy. 7 gektar jerde jylyjaı iske qosylyp, 541 gektarǵa tamshylatyp sýǵarý ádisi engizildi.
Qarqyndy baý sharýashylyǵyn damytý úshin 60 gektarǵa júzim, 40 gektarǵa jańǵaq egý josparlandy. Bul baǵytta, búgingi tańda 34 ga baý, 5 ga júzim kósheti otyrǵyzyldy. Sonymen qatar, Bórjar aýyldyq okrýginde 20 ga jerge jemis pen jańǵaq kóshetteri, 10 ga jerge jemis kóshetteri egildi.
Sondaı-aq «Sybaǵa» baǵdarlamasy arqyly 333 iri qara, «Altyn asyq» baǵdarlamasy aróyly 1268 ýaq mal, «Qulan» baǵdarlamasy arqyly 361 jylqy alyndy.
Tereń qopsytý ádisin qoldaný baǵytynda 9500 ga jerdi óńdeý josparlanǵan. Bul baǵytta 11 soqa alynyp, 9807 ga jerge tereń qopsytý ádisi engizildi.
Aýyl sharýashylyǵy tehnıkalaryn jańalaý boıynsha qosymsha 39 tehnıka alyndy.
