Túrkistan oblysynda saılaý jáshigin standartqa saı ustamaǵan mektep basshysy sógis aldy

TÚRKІSTAN. QazAqparat – Túrkistan oblysynda Eltańba beınesi bar saılaý jáshigi dárethanadan tabyldy, dep habarlaıdy QazAqparat tilshisi.

Áleýmettik jelide mektep dárethanasynda turǵan saılaý jáshiginiń sýreti tarady. Bilim nysanynyń Tólebı aýdanynda ornalasqany anyqtalǵan. Atalǵan jaǵdaı boıynsha Túrkistan oblystyq adamı áleýetti damytý basqarmasynyń baspasóz qyzmeti zańsyzdyqqa jol bergen mektep basshylyǵyna sógis jarııalanatynyn habarlady.

«Mektep ájethanasyndaǵy Memlekettik Eltańba belgisi bar saılaý jáshigine qatysty Tólebı aýdandyq adamı áleýetti damytý bólimi tarapynan zerdeleý qorytyndysymen tıisti jumystar atqarylyp, kemshiligi úshin jalpy orta bilim beretin mektep dırektoryna «sógis» túrindegi tártiptik shara qoldanyldy», - delingen aqparatta.