Túrkistan oblysynda saılaý ýchaskesine kımeshekpen kelgen ájeler táttiden shashý shashty

TÚRKІSTAN. QazAqparat - Túrkistan oblysynda saılaý ýchaskesine kımeshekpen kelgen ájeler túrli táttilerden shashý shashty, dep habarlaıdy QazAqparat tilshisi.

Kentaý qalasyndaǵy ájeler alqasynyń músheleri saılaý ýchaskesine kımeshekpen keldi.

Ulttyq kıimde óz tańdaýyn jasaǵan olar kópshilikti saılaýǵa belsendi qatysýǵa shaqyrdy.

«Kentaý qalasynyń halqy saılaýǵa belsendi qatysyp jatqanyna kýá bolyp otyrmyz. Biz de №899 jáne №37 saılaý ýchaskesinde daýys berdik. Sebebi, eldiń bolashaǵyna árbirimiz jaýaptymyz», - deıdi ájeler alqasynyń tóraıymy Roza Jumabaeva.

Saıram aýdanynda da ulttyq kıim kıgen ájeler saılaý ýchaskesine kelip, túrli táttilerden shashý shashty.

Keıinnen daýys berip, óz tańdaýyn jasady.

Foto: facebook.com/people/Túrkistan-Óńirlik-Kommýnıkatsııa-Qyzmeti