Túrkistan oblysynda saılaý kúni 60 myńnan asa múgedektigi bar jan daýys beredi
Búginde óńirdegi barlyq saılaý ýchaskelerinde osyndaı azamattarǵa arnalǵan arnaıy buryshtar jaraqtandyrylýda, dep habarlaıdy QazAqparat tilshisi.
Oblystyq aýmaqtyq saılaý komıssııasy tóraǵasynyń orynbasary Ámirdın Álishevtiń aıtýynsha, múmkindigi shekteýli jandarǵa kabınalar ornatylyp, jolaqtar tóselgen. Sondaı-aq, barlyq saılaý ýchaskeleri múgedektigi bar adamdardyń kirip-shyǵýyna beıimdelgen. Budan bólek, saılaý kúni 36 ınvataksı jáne 42 áleýmettik qyzmettik kólikter júrgiziledi. Qajettilik týyndaǵan jaǵdaıda demeýshiler esebinen qosymsha kólikter uıymdastyrylmaq.
Aıta keteıik, oblysta barlyǵy 97101 múgedektigi bar adam turady. Onyń ishinde 60 329-y belsendi saılaý quqyǵyna ıe azamattar. Osy azamattardyń ishindegi 49734 adamǵa jaǵdaı jasaý talap etilmeıdi. Al 10595 múgedek adamdar úshin barlyq saılaý ýchaskelerinde daýys berýge qoljetimdi jaǵdaılar jasalǵan.
