Túrkistan oblysynda salynatyn kúkirt zaýytyń qurylysy qashan bastalady
«Bul joba qazirgi ýaqytta tehnıkalyq-ekonomıkalyq negizdeme deńgeıinde tur. Biz osy jyldyń ortasynda jobalaý-smetalyq qujattamany ázirleýdi josparlap otyrmyz. Qurylys keler jyldyń ortasynda bastalýy múmkin. Jalpy, bul jobany 2025 jyldyń sońyna deıin aıaqtap, 2026 jyly tolyq óndiristik qýatta jumys isteıdi dep josparlap otyrmyz», - dedi Erjan Muqanov BAQ ókilderiniń qatysýymen ótken baspasóz máslıhatynda.
Onyń aıtýynsha, zaýyt 800 myń tonna kúkirt qyshqylyn óndirýge qaýqarly bolady.
«Osy zaýyt iske qosylǵanda 500-ge jýyq jańa jumys orny qurylady. Respýblıkalyq bıýdjetke túsetin tólemder 4 mlrd teńge deńgeıine jetedi. Qazirgi ýaqytta tehnıkalyq-ekonomıkalyq negizdemeni ázirleý aıaqtalyp qaldy. Onyń yqtımal quny osy negizdemeden keıin belgili bolady. Biz jumysqa jeke ınvestordy tartýdy josparlap otyrmyz. Qazirgi ýaqytta ınvestordyń Qazaqstannan nemese shetelden bolatyny anyqtalmady. Degenmen zaýyt óz qarajatymyz esebinen salynbaıdy», - dep túıindedi Erjan Muqanov.
