Túrkistan oblysynda sábı bir ýys dárini jutyp qoıǵan
TÚRKІSTAN. QazAqparat - Túrkistan oblysynda sábı bir ýys dárini jutyp qoıǵan, dep habarlaıdy QazAqparat tilshisi.
Jedel járdem qyzmetkerleri men ýchaskelik dárigerdiń der kezinde kórsetilgen kómeginiń arqasynda kishkentaı qyz bala aman qaldy
Keleńsiz jaǵdaı Ordabasy aýdanynda bolǵan. Aıshabıbi esimdi sábı úıinde oınap júrip, 15 túıir dárini iship qoıǵan. Ata-anasy tez arada jedel járdem shaqyrtqan.
Dárigerler sanaýly ýaqyttyń ishinde balaqaıǵa kásibı medıtsınalyq kómek kórsetip, emdik sharalar jasaǵan.
Kishkentaı naýqastyń asqazany jýylyp, mamandardyń baqylaýyna alyndy.
