Túrkistan oblysynda respýblıkalyq «Oı doda» ıntellektýaldy saıysy ótti

TÚRKІSTAN. QazAqparat - Túrkistan oblysy, Keles aýdanynda respýblıkalyq «Oı doda» ıntellektýaldy saıysy ótti. Kezekti ret uıymdastyrylǵan bilim saıysyna Almaty, Shymkent qalalary men Jambyl, Qyzylorda, Túrkistan oblysynyń barlyq aýdan- qalalarynan jınalǵan 39 top qatysty, dep habarlaıdy QazAqparat tilshisi.

Intellektýaldyq saıys bıyl el Táýelsizdiginiń 30 jyldyǵy men oblystyq «Jastar resýrstyq ortalyǵynyń» qurylǵanyna 10 jyl tolýyna arnaldy. Elimizdiń bilimdi jastarynyń basyn qosqan sharada aýdan ákimi Aqmentaı Esbaev pen máslıhat hatshysy Aryn Orynbekuly, oblystyq «Jastar resýrstyq ortalyǵy» KMM-niń basshysy Erasyl Áshirbaıuly sóz sóılep, saıysqa qatysýshylarǵa sáttilik tiledi. Óte tartysty ótken saıys qortyndysymen úshinshi oryndy Túrkistan oblysynyń quramasy, ıaǵnı, «Key To Life» komandasy ıelendi. Al, ekinshi oryndy Saıram aýdanynyń «Erýdıt» komandasy enshiledi. Birinshi oryndy Almaty qalasynyń «Ál-Farabı» komandasy jeńip aldy. Barlyq komandalarǵa aýdan ákimi atynan arnaıy alǵys hat jáne qarjylaı syılyqtar tabystaldy. «Úzdik oıynshy», «Úzdik kapıtan», «Úzdik jaýap» nomınatsııalary boıynsha da úzdikter marapattaldy.