Túrkistan oblysynda prokýratýra aıyppul óndirýdi qadaǵalaýdy kúsheıtti
Oblystyq prokýratýranyń júrgizgen taldaýy ótken jyly ákimshilik aıyppuldyń óndirilý deńgeıi tómendegenin kórsetken. Bul sot oryndaýshylarynyń májbúrlep óndirý sharalaryn ýaqtyly ári pármendi júrgizbeıtinin aıǵaqtaǵan.
Atalǵan kemshilikti joıý maqsatynda ótken jyly oblys prokýratýrasy ýákiletti organdardy úılestirý arqyly aıyppuldy qasaqana tólemeýshilerdiń lıtsenzııalary men júrgizý kýálikterin, múlikterin anyqtaýǵa baǵyttalǵan birlesken is-sharalardy uıymdastyrǵan.
Odan bólek, ákimshilik aıyppuldy óreskel tólemegen avtokólik ıelerin anyqtaý boıynsha reıdtik is-sharalar uıymdastyryp, árbir páter men úı ıelerine aıyppuldy tóleý qajettigin túsindirgen.
Anyqtalǵan quqyq buzýshylyqtarǵa qatysty 31 narazylyq pen 71 usynys engizilip, tártiptik jaýapkershilikke 39 qyzmetker tartylǵan. Taǵy 6 tulǵa ákimshilik jazaǵa tartylyp, 7 myńnan astam qujat prokýrorlyq sharalarmen oryndalǵan.