Túrkistan oblysynda prokýratýra 1 mlrd teńgege zańsyz jarııalanǵan memsatyp alýdyń kúshin joıdy

TÚRKІSTAN. QazAqparat - Túrkistan oblysy Ordabasy aýdanynyń prokýratýrasy 1 mlrd teńgeden astam qarjyǵa zańsyz jarııalanǵan memlekettik satyp alý konkýrsynyń kúshin joıdy, dep habarlaıdy QazAqparat.

Ordabasy aýdanynyń prokýratýrasy aýdan kóleminde memlekettik satyp alý týraly zańnamanyń saqtalýyna taldaý júrgizip, nátıjesinde Ordabasy aýdandyq turǵyn úı-kommýnaldyq sharýashylyq, jolaýshylar kóligi, avtomobıl joldary jáne turǵyn úı ınspektsııasy bólimi jyldyq josparǵa engizilmegen nysandarǵa memlekettik satyp alý konkýrsyn zańsyz jarııalaǵanyn anyqtady.

Engizilgen prokýrorlyq qadaǵalaý aktisiniń negizinde 1 mlrd teńgeden astam qarjyǵa zańsyz jarııalanǵan memlekettik satyp alý konkýrsynyń kúshi joıylyp, zań buzýshylyqqa jol berilmedi.

Memlekettik satyp alý konkýrsyn uıymdastyrǵan laýazymdy tulǵalar tártiptik jaýaptylyqqa tartyldy.

Memlekettik satyp alý týraly zańnamanyń saqtalýy – prokýratýra organdarynyń únemi nazarynda.