Túrkistan oblysynda polıtsııa kóligin soqqan kúdiktiniń isi sotqa jetti
TÚRKІSTAN. QazAqparat-Áleýmettik jelide polıtsııa qyzmetkerleriniń toqtatqanyna qaramastan qyzmettik kóligin soǵyp qashpaq bolǵan júrgizýshiniń vıdeosy taraǵan bolatyn,dep habarlaıdy QazAqparat tilshisi.
Atalǵan jaıt, Túrkistan oblysy Saıram aýdanynda oryn alǵan.
«Lexus ES» avtokóliginiń júrgizýshisi qarsy qozǵalys jolaǵyna shyǵyp, polıtsııa qyzmetkerleriniń zańdy talaptaryna baǵynbaı, jasyrynýǵa tyrysqan. Nátıjesinde jol qozǵalysy erejesin buzýshy Saıram APB qarasty «Kia Cerato» markaly qyzmettik avtokóligimen soqtyǵysqan. Abyroı bolǵanda, jol apatynan eshkim zardap shekken joq. Alaıda avtokólikterge materıaldyq shyǵyn kelgen.
Saraptama nátıjesinde «Lexus» júrgizýshisi kólik tizgindeý kezinde mas kúıde bolǵany anyqtaldy.
Quqyq buzýshyǵa qatysty QR ÁQBtK-niń ákimshilik hattamalar túzildi. Jınalǵan materıaldar zańdy sheshim qabyldaý úshin sotqa jiberildi.
