Túrkistan oblysynda polıtsııa 101-ge kelgen qarııaǵa jańa tólqujat jasap berdi
TÚRKІSTAN. QazAqparat – Túrkistan oblysynda polıtsııa 101-ge kelgen qarııaǵa jańa tólqujat jasap berdi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Búginde oblysta QR azamattarynyń qujattaryn rásimdeý nemese azamattyǵy joq tulǵalardy kýálandyrý, mártebesi rettelmegen adamdardy, ıaǵnı 1974 jylǵy úlgidegi KSRO pasportymen júrgen tulǵalardy anyqtap, qujattandyrý maqsatynda arnaıy aktsııa ótip jatyr.
Kóshi-qon qyzmeti tobynyń aǵa ınspektory Nurman Shyńǵysbaev qujaty joq, nemese merzimi ótken tulǵalardy anyqtap, qujat alýyna kómek kórsetti. Tártip saqshylary tarapynan qurylǵan arnaıy mobıldik top júrip-turýy qıyn azamattardyń úıine baryp, sýretke túsirip, qujatyn rásimdegen.
Máselen, Túrkistan oblysynda 101 jastaǵy ana Nýrı ıÝldasheva polıtseılerge tólqujatynyń merzimi ótkenin habarlaǵan. Júrip-turýy qıyn bolǵandyqtan Nurman Shyńǵysbaev jańa tólqujatty rásimdep úıine aparyp berdi. Ǵasyr jasaǵan keıýana Túlkibas aýdanynda turady. Qazirgi tańda áje 1 ul, 1 qyz, 10 nemere, 27 shóbere, 51 shópshek súıip otyr.
Keıýananyń qyzy polıtsııa qyzmetkerleriniń atqarǵan jumysyna alǵys aıtty.
«Kóshi qon qyzmetkerlerine, Túlkibas aýdanynyń polıtsııa basshysyna raqmet aıtamyn. 101-ge kelgen apamdy áýre qylmaı, sharshatpaı, rásimdep jańa kýálikti úıimizge ákelip berdi», - dedi ol.
