Túrkistan oblysynda polıtseıler júrgizýshilerge baýyrsaq taratty
TÚRKІSTAN. QazAqparat - Túrkistan oblysynda polıtsııa qyzmetkerleri jol-kólik oqıǵasynan qaza tapqandardy eske alyp, quran baǵyshtady, dep habarlaıdy QazAqparat tilshisi.
Qarasha aıynyń úshinshi jeksenbisi - Dúnıejúzilik jol-kólik apatynan qaza bolǵandardy eske alý kúni bolyp bekitilgen.
Bul kúndi atap ótýdegi maqsat – jol apatynan ajal qushqan marqumdardy eske alyp, ózgelerdi de joldaǵy apattardan saqtandyrý.
Osy oraıda Túrkistan oblysy polıtsııa departamentiniń jergilikti polıtsııa qyzmetine baǵynysty patrýldik polıtsııa batalonynyń jeke quram qyzmetkerleri jol-kólik oqıǵasynan qaza tapqandardy eske alyp, quran baǵyshtady.
Sonymen qatar, jol boıynda júrgizýshilerge baýyrsaq taratyp, jol júrisi erejelerin qatań saqtaý kerektigin eskertti.
