Túrkistan oblysynda polıtseıler «Jolda qabyldaý» aktsııasyn ótkizdi
TÚRKІSTAN. QazAqparat – Túrkistan oblysynda polıtseıler «Jolda qabyldaý» aktsııasyn ótkizdi. Atalǵan shara koronavırýs indetine baılanysty syrtta, ashyq aspan astynda uıymdastyryldy, dep habarlaıdy QazAqparat tilshisi.
Aktsııa barysynda oblys turǵyndary, onyń ishinde jeli qoldanýshylary tártip saqshylaryna ózderiniń kókeıdegi saýaldaryn qoıdy. Qajetti quqyqtyq keńester aldy. Osylaısha atalǵan sharaǵa 2 kún ishinde oblys boıynsha 400-den astam azamat arnaıy kelip, óz máselelerin jetkize aldy. Al, polıtseıler olarǵa naqty jaýaptaryp berip, tez arada sheshilýine yqpal etti. Sondaı-aq túrli máselesin aıtyp kelgen turǵyndardyń aryz-shaǵymdaryn qabyldady. Polıtsııa departamentiniń «Facebook» jáne «Instagram» áleýmettik jelileri arqyly tikeleı efırler júrgizilip, onlaın-rejımde jaýaptar berildi. Óz kezeginde jeli qoldanýshylary aktsııaǵa qatysty pikirlerin ashyq aıtyp, keri baılanys ornady. Máselen, aktsııanyń alǵashqy kúni áleýmettik jeli qoldanýshylarynan 100-ge tarta suraqtar tústi. Odan bólek 10 turǵyn aktsııaǵa arnaıy kelip, aryzdaryn qaldyrdy. Atalmysh aktsııanyń utymdy tusy osylaı kómekke júgingenderdiń máseleleri jedel túrde sheshilýinde boldy. Kezeksiz kez kelgen turǵyndy qabyldaǵan oblystyń tártip saqshylary azamattardyń máselelerin tez arada qarap shyqty. Tikeleı qabyldaý júrgizgen Túrkistan oblysy Polıtsııa departamenti ÁPB bastyǵy polıtsııa polkovnıgi Almashan Tastanbekov mundaı aktsııany uıymdastyrýdyń halyq úshin paıdasy zor ekenin, halyqpen qarym-qatynasty kúsheıtetindigin atap ótti. Eń bastysy turǵyndarǵa qolaıly ekenin jetkizdi.
