Túrkistan oblysynda pnevmonııaǵa shaldyqqan qos ana sábılerin aman-esen bosandy
TÚRKІSTAN. QazAqparat – Túrkistan oblysynda pnevmonııaǵa shaldyqqan qos ana dárigerlerdiń kómegimen sábılerin aman-esen bosanyp aldy. Olarǵa dárigerler tarapynan tıisti sharalardyń barlyǵy jasalyp, jaǵdaılaryna qaraı em-dom qabyldaýda, dep habarlaıdy QazAqparat tilshisi.
Oblystyq Qoǵamdyq densaýlyq basqarmasynyń málimetinshe, Túrkistan oblystyq №3 perınataldyq ortalyǵynda orta eseppen kúnine 25 jáne jylyna 10 myńǵa jýyq ana bosanady. Pandemııaǵa baılanysty júkti áıelder de dáriger qaraýyna jıi túsýde. Solardyń biri 28 jastaǵy Aqbota Bımenovadan dıagnostıkalyq tekseris nátıjesinde eki jaqty polısegmentarly pnevmonııa anyqtalǵan. Tynys alý joldarynyń nasharlaýyna baılanysty júkti áıelge kesar tiligimen jedel túrde operatsııa jasalyp, 31 apta bolǵan náreste aman-esen dúnıege keldi. Merziminen buryn bosandyrǵanyna qaramastan, dárigerler ekeýiniń de jaǵdaıy jaqsy dep otyr.
Anasynyń tynys alýy men ókpe qabynýy operatsııadan keıin keıin jaqsara bastaǵan. Ol provızorlyq bólimde protokolǵa saı em qabyldaýda. Al, 32 jastaǵy Mansaıa Mýıdınova eki jaqty tómengi bólikti pnevmanııamen jansaqtaý bólimine túsken. Oblystyq perınataldyq ortalyqtyń dárigerleri júkti áıeldiń jaǵdaıyn qatań baqylaý alyp, merziminen buryn, 32 aptadan asqanda bosandyryp alǵan. Tynys alý joldarynyń qabynýy ananyń jaǵdaıyn qatty qıyndatqanymen, ol balasyn bosanyp aldy, jáne náresteniń deni saý. Bosanǵannan keıin jas ana emdelý úshin provızorlyq statsıonarǵa jatqyzylǵan.
