Túrkistan oblysynda pedofıl 15 jylǵa sottaldy

TÚRKІSTAN. QazAqparat – Túrkistan oblysynyń qylmystyq ister jónindegi mamandandyrylǵan aýdanaralyq soty jas balalarǵa azǵyndyq jasaý faktisi boıynsha is qaraldy, dep habarlaıdy QazAqparat tilshisi.

Oqıǵa ótken jyldyń qazan aıynda bolǵan. Tanysynyń úıine barǵan sottalýshy jábirlenýshiniń nemereleri – 2012, 2014 jáne 2017 jyly týǵan balalarǵa azǵyndyq áreketter jasap, nápsisin qandyrǵan.

Keshki as ústinde jábirlenýshiniń 2014 jyly týǵan nemeresi tamaqtanýdan bas tartyp, tili aýyratyndyǵyn aıtqan. Sodan soń anasy balalarmen áńgimelesý arqyly oqıǵanyń mán jaıyn bilgen. Qasynda bolǵan eki qyzy atalǵan oqıǵany rastap, ózderine de dál osyndaı is-áreketter jasalǵanyn aıtqan.

Sot úkimimen er adam QR Qylmystyq kodeksiniń 124-baby 4-bóligimen qylmystyq quqyq buzýshylyqtardy jasaǵany úshin kináli dep tanyldy.

«Sot oǵan 15 jylǵa bas bostandyǵynan aıyrý jazasyn qylmystyq-atqarý júıesiniń qaýipsizdigi ortasha mekemelerinde óteý túrindegi jaza taǵaıyndady. Sonymen qatar sottalýshy psıhologııalyq jáne pedogogıkalyq tárbıeleý quqyǵynan ómir boıyna aıyryldy. Úkim zańdy kúshine engen joq», - delingen Túrkistan oblystyq sotynyń baspasóz qyzmeti taratqan aqparatta.