Túrkistan oblysynda pedagogtardyń bos jumys oryndary elektrondy túrde habarlanady
TÚRKІSTAN. QazAqparat - Túrkistan oblysynda pedagogtardyń bos oryndary týraly habarlamalar elektrondy túrde beriledi. Bul týraly oblystyq Bilim basqarmasynyń basshysy Isataı Saǵyndyqov málimdedi, dep habarlaıdy QazAqparat tilshisi.
Isataı Saǵyndyqovtyń sózinshe, búginde óńirde «Tsıfrlyq Qazaqstan» baǵdarlamasy aıasynda birqatar jumys atqarylǵan.
«Mektepterde jumys.sitcen.kz portaly arqyly bos jumys oryndary jarııalanyp, qysqa merzimde 1160 pedagogtyń bos oryndary týraly habarlamalar berilgen. Búginde 137 adam osy júıe arqyly jumysqa ornalasqan. Alaıda, Kentaý qalasy men Báıdibek, Qazyǵurt, Ordabasy, Otyrar, Saıram, Sozaq, Túlkibas jáne Shardara aýdandarynyń atalǵan júıemen jumys júrgizý sapasy tómen»,- dedi oblystyq bilim basqarmasynyń basshysy.
Ol sondaı-aq, aımaqta bilim uıalaryn keń jolaqty ınternetpen qamtý, oqýshylardyń mektep kıim úlgisin saqtaý jáne ózge de tapsymalar boıynsha jumystar atqarylǵanyn jetkizdi. Basqarma basshysy mektepterdiń qysqy maýsymǵa daıyndyǵy pysyqtalyp, bilim zańnamalaryn saqtamaý jáne mektep formasyn kıgizý sııaqty ózge de máseleler nazardan tys qalmaǵanyn atap ótti. Bul rette aýdan, qala ákimdikterin basqarmamen birlesip jumys isteýge shaqyrdy.
