Túrkistan oblysynda patrıottyq aktsııa uıymdastyryldy
Atalǵan shara turǵyndardyń memlekettik rámizderge degen qurmetin arttyrý men óskeleń urpaqtyń patrıottyq sezimin jańǵyrtý maqsatynda oblys kóleminde uıymdastyrylyp, oǵan barlyq aýdan-qalalardyń jastary men turǵyndary qatystyAktsııa aıasynda oblystyń barlyq aýdan-qalalaryndaǵy jergilikti turǵyndar óz úıleri men eldimekenderdegi áleýmettik, kásipkerlik nysandardyń syrtyna memlekettik tý ilip qoıdy. Osylaısha mereke kúni halyqqa patrıottyq rýh syılady. Oblys ortalyǵy Túrkistan qalasynan bastaý alǵan sharada oblystaǵy 20-dan asa turǵyn úı men ǵımarattyń balkondaryna, terezelerine 300-den asa memlekettik tý ilindi. Oǵan 200-den asa jas pen jergilikti turǵyn atsalysty. Sonymen qatar, Túrkistan qalasy – «Jastar resýrstyq ortalyǵy» ǵımaratyna jáne kópqabatty turǵyn úılerdiń balkondaryna – 36 memlekettik tý ilindi.
Al, Arys qalasynda Batyrlar alańy men Áıteke bı kóshesindegi kópqabatty turǵyn úılerge 16 memlekettik tý qoıyldy. Kentaý qalasynda da kópqabatty turǵyn úılerdiń balkondaryna jáne Saryaǵash qalasyndaǵy mádenıet úıiniń syrtqy alańy men jańa baspanalardyń balkondary 86 memlekettik tý ornatyldy. Tólebı aýdanynyń ortalyǵy Lengir qalasyndaǵy turǵyn úıler men ortalyq alańdarǵa 30, Shardara qalasynda úılerdiń terezelerine 16 memlekettik tý ilindi. Jetisaı qalasyndaǵy jastar da kópqabatty turǵyn úıdiń terezelerine 16 memlekettik týdy qoıdy.Sondaı-aq, arnaıy heshtegpen áleýmettik jelilerde postar, memlekettik týmen túsken fotolar men beınerolıkter jarııalanyp, aktsııa halyqtyq sıpatta jalǵasyn tapty.
