Túrkistan oblysynda páterlerdi tonaýmen aınalysqan kúdikti ustaldy
TÚRKІSTAN. QazAqparat - Túrkistan oblysynda páterlerdi tonaýmen aınalysqan kúdikti ustaldy. Tergeý kezinde seziktiniń 10 páter urlyǵyna qatysy bar ekeni anyqtalyp otyr, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, páter tonaýshy qylmysyn Jetisaı aýdanynda jasap júrgen. Kúdiktini ustaýǵa jergilikti turǵynnyń aýdandyq polıtsııa bólimine aryzdanýy sebep bolǵan. Ol tártip saqshylaryna úıine túngi ýaqytta belgisiz bireýler tereze arqyly kirip, shamamen 2 mıllıonǵa jýyq teńgesi men altyn buıymdaryn urlap ketkenin kórsetken. Artynsha Jetisaı aýdandyq polıtsııa bóliminiń qyzmetkerleri jedel izdestirý sharalaryn júrgizip, kúdikti kóp uzamaı-aq ustaldy. Ol oblys turǵyny bolyp shyqty.
Qazirgi tańda kúdikti qamaýǵa alynyp, tergeý amaldary júrgizilýde.
