Túrkistan oblysynda páter urlyǵymen aınalysqan erli-zaıyptylar ustaldy
TÚRKІSTAN. QazAqparat - Túrkistan oblysynda páter urlyǵymen aınalysqan erli-zaıyptylar ustaldy. Polıtseıler kúdiktilerdiń eki urlyqqa qatysy barlyǵyn anyqtaǵan, dep habarlaıdy QazAqparat.
Oblystyq ІІD baspasóz qyzmetiniń málimetinshe, ustalǵandar alǵashqy qylmystaryn Ordabasy aýdanynda jasaǵan. Onda jergilikti turǵynnyń úıine baryp, quny 70 myń teńge turatyn uıaly telefonyn urlap ketken. Al, ekinshi ret taǵy bir úıdi tonaǵan. Erli-zaıyptylar jábirlenýshiniń úıine baryp, alaıaqtyq jasaıdy. Seziktiniń áıeli úı ıesiniń kóńilin aýlap turǵanda, kúıeýi baǵaly zattar men aqshalardy jymqyrǵan. Osylaısha jábirlenýshige shamamen 150 myń teńge kóleminde shyǵyn keltirilgen.
«Qazirgi tańda atalǵan jaıtqa qatysty Qylmystyq kodekstiń «Urlyq» baby boıynsha sotqa deıingi tergeý amaldary júrgizilýde. Polıtseıler kúdiktilerdiń osyǵan uqsas qylmystarǵa qatysy bar-joqtyǵyn anyqtaýda» delingen habarlamada.
