Túrkistan oblysynda páter urlyǵy kóbeıdi
Túrkistan oblysynda jyl basynan bergi úsh aıdyń ishinde 411 urlyq qylmysy tirkelgen. Onyń ishinde 158-i páter urlyǵy eken. Bul týraly Túrkistan oblysy Polıtsııa departamenti Krımınaldyq polıtsııa basqarmasynyń bólim bastyǵy, polıtsııa maıory Erdáýlet Amantaev aıtyp ótti.
«Páter urlyǵynyń tirkelimi ótken jyldyń sáıkes kezeńimen salystyrǵanda 109-dan 158-ge ósken. Degenmen, ashylymy kerisinshe artqan. ıAǵnı, aýyr dárejeli páter urlyǵynyń 75,6%-ǵa, orta dárejeli páter urlyǵy 86,4%-ǵa ashylyp otyr» - dedi ol.
Jýyrda Túrkistan oblysynda 50-den astam páter urlyǵyna qatysy bar kúdikti ustaldy. Ol turǵyn úılerdiń terezesin buzyp kirip, bólmelerdegi aqsha men altyn buıymdardy urlap kelgen. Al oljasyn Shymkent qalasyndaǵy lombardtarǵa ótkizip, aqshany óz qajetine jumsap otyrǵan. Tergeý barysynda kúdiktiniń sońǵy úsh jyl ishinde 50-den astam úıge urlyqqa túskeni anyqtalǵan. Ózi de Qazyǵurt, Keles, Saryaǵash, Ordabasy aýdandarynda jasaǵan urlyqtaryn moıyndaǵan.
Túrkistan oblysynda 50-den astam páterdi tonaǵan kúdikti ustaldy