Túrkistan oblysynda para alǵan bas dáriger men esepshige sot úkimi shyqty
Keles aýdandyq sotynyń úkimimen osy aýdandaǵy aýrýhananyń bas dárigeri A.Beksultanova men bas esepshisi J.Ermahanova sybaılas jemqorlyq qylmysyn jasaǵany úshin kináli dep tanyldy.
Sotqa deıingi tergeý barysynda olar stomatologııa qyzmetterin kórsetý jónindegi shartty buzbaý jáne jalpy qamqorlyǵy úshin kásipkerden para retinde 500 myń teńge aqsha alǵany anyqtaldy.
Sot úkimimen aıypty dep tanylǵan bas dáriger men bas býhgalterdiń árqaısysyna 17 mln 500 myń teńge kóleminde aıyppul túrindegi jaza taǵaıyndaldy. Sondaı-aq olar memlekettik qyzmette, sýdıa, jergilikti ózin-ózi basqarý organdarynda, Qazaqstan Respýblıkasynyń Ulttyq bankinde jáne onyń vedomstvolarynda, Qarjy naryǵy men qarjy uıymdaryn retteý, baqylaý jáne qadaǵalaý jónindegi ýákiletti organda, memlekettik uıymdarda jáne kvazımemlekettik sektor sýbektilerinde laýazymdardy atqarý quqyǵynan ómir boıyna aıyryldy.
Úkim zańdy kúshine engen joq.
