Túrkistan oblysynda «Palaý ortalyǵy» janyp ketti
TÚRKІSTAN. QazAqparat - Túrkistan oblysynda «Palaý ortalyǵy» janyp ketti. Tótenshe jaǵdaı Saıram aýdanynyń ortalyǵy Aqsýkent aýylynda boldy, dep habarlaıdy QazAqparat.
Óńirdiń Tótenshe jaǵdaılar departamentine dámhananyń órtenip jatqany týraly habar tańǵy saǵat 5:58 shamasynda túsken.
«Órt sóndirý qyzmetine Jibek joly kóshesiniń boıyndaǵy «Palaý ortalyǵynan» órt shyqqany týraly habar jetken. Onda dámhananyń shatyry men jazǵy tapshandary órtenip jatqany týraly aıtylǵan. Oqıǵa ornyna 20 sóndirýshi men 3 tehnıka shyqty. Jalyn 6:34-te aýyzdyqtalyp, 7:28-de tolyqtaı sóndirildi. Órt sharpyǵan aýmaq 236 sharshy metrdi quraǵan. Tilsiz jaýdan zardap shekkender joq. Jalynnyń qaıdan shyqqany anyqtalyp jatyr» delingen oblystyq TJD baspasóz qyzmetiniń habarlamasynda.
