Túrkistan oblysynda ózenge qulap ketken 4 jasar qyzdyń denesi tabyldy

TÚRKІSTAN. QazAqparat – Túrkistan oblysynda 9 kún buryn ózenge qulap ketken 4 jasar qyzdyń denesi tabyldy. Bul týraly oblystyq Tótenshe jaǵdaılar departamentiniń baspasóz qyzmeti málimdedi, dep habarlaıdy QazAqparat tilshisi.

Búldirshinniń denesi oqıǵa bolǵan aımaqtan 10 shaqyrym jerde, ózen boıynan tabylǵan. Jergilikti turǵyndar qyzdyń denesin sýdan alyp shyqqan.

Oqıǵa ornyna Túrkistan oblysynyń jáne Shymkent qalasynyń TJD mamandary men polıtsııa qyzmetkerleri bardy.

Buǵan deıin habarlaǵanymyzdaı, 17 naýryz kúni saǵat 17:00 shamasynda úlkenderdiń qaraýynsyz Arys ózenine oınaýǵa barǵan 4 jastaǵy búldirshindi sý aǵyzyp áketken bolatyn. Sodan beri izdestirý jumystary toqtaýsyz júrgizilip keldi.